Talooyin muhiim ah oo kaa caawinaya in aad ka takhalusto baruurta caloosha oo adag
Baruurta caloosha ayaa inta badan dhibaato ku noqota dumar iyo rag badan maadaama ay saameyn weyn ku yeelato muuqaalka quruxda. Haddii aad tahay qof ka walwalsan baruurta caloosha, halkan waxaa ku jira talooyin lagama maarmaan ah oo kaa caawinaya inaad si fudud uga takhalusto:
1. Hurdada oo kugu filan: Daraasad ka socota Jaamacadda Wake Forest ee Mareykanka ayaa sheegtay in hurdada ka yar 5 saacadood ay kordhiso baruurta caloosha gaar ahaan dadka ka yar 40 sano. Halka hurdada 8 saacadood ama ka badan ay ka hortagto ururinta baruurta caloosha.
2. Cunista si tartiib ah: Si aada uga hortag inaad si xad dhaaf ah wax u cunto, sidoo kale si aad ah u dhiirigeli nidaamka gubista baruurta.
3. Ka fogaanta walbahaarka (stress): Walbahaarku wuxuu sababaa soo saarista kortisool, oo ah hormoon kicinaya rabitaanka cuntada iyo ururinta baruurta caloosha. Sidaa darteed, hel waqti aad ku nasato oo maskaxda u deji.
4. Cunto fudud cun habeenkii: Cun cunto fudud 30 daqiiqo ka hor hurdada, sida cuntooyinka borotiinka leh sida caanaha aan dufanka lahayn ama farmaajada. Waxay ka shaqeysaa kor u qaadista metabolism-ka subaxa hore.
5. Jimicsiga caloosha: Samee jimicsiyo gaar ah oo lagu adkeeyo murqaha caloosha iyo lagu yareeyo baruurta.
6. Cun cuntooyinka leh fitamiinka C: Sida liinta, liin-dhanaanta, basbaaska macaan, iyo kuwa lamidkaa, oo dhammaantood gacan ka geysta gubista baruurta gaar ahaan caloosha iyo barida.
7. Raadi cuntooyin caafimaad leh: Ku dar cuntooyinka kala duwan sida avocado, rummaanka, tufaaxa, mooska, celery, cuntooyinka badda, yaanyada, shinnida, qajaarka, iyo papaya. Cuntooyinkani waxay caawiyaan yaraynta baruurta caloosha.
Ka fogaanshaha cuntooyinka sababa caloosha baruurta leh
1. Xanjada: Waxay kicisaa caloosha iyo maskaxda si ay cunto u diyaariso, taas oo kordhisa gaajada iyo cunista badan.
2. Cabitaanka warshadaysan iyo sodhiyaha: Kuwa caadiga ah iyo kuwa "diet" labaduba waxay leeyihiin sokor badan oo keena baruur caloosha.
3. Cuntooyinka degdega ah (fast food): Haddii aadan iska joojin karin, ogow inay yihiin sabab weyn oo keena baruurta caloosha.
4. Jalaatada: Waxay leedahay sokor aad u badan, taas oo dhib badan ku noqota jirka.
5. Mayonnaise: 80% dufan ah oo si toos ah uga dhigi karta baruur caloosha adag.
Talo yar oo dheeri ah: Samee jimicsiga kardiyo ugu yaraan 3 maalmood usbuucii sida orodka, dabaasha, ama xitaa qoob-ka-ciyaarka. Waxaa cilmi ahaan la caddeeyey in qoob-ka-ciyaarku uu saacado ku gubo ilaa 800 kaloori.
Isku day inaad raacdo talooyinkan, isla markaana aad joogteyso jimicsiga si aad u hesho calool fidsan oo caafimaad leh!
Write : somaalikaab