Prostaatada
Prostaatadu waa qanjir kuyaal jirka kana hooseeya kaadi-haysta oo ku dhow futada, waana qayb ka mid ah habka taranka ee ragga. Mararka qaar waxaa soo food-saarta barar ama caabuq, gaar ahaan ragga da'da ah iyo xataa dhalinyarada.
Sababaha caabuqa iyo bararka prostaatada:
Caabuqyo ka dhasha infekshan ka jira jidhka ama prostaatada.
Kororka hormoonka estrogen (hormoonka dumarka) oo keena bararka prostaatada.
Hoos u dhaca hormoonka ragannimada ee testosterone.
Calaamadaha caabuqa iyo bararka prostaatada:
Kaadida oo badato iyo kaadi socodka oo yaraada ama daciifa.
Gubasho xilliga kaadida.
Dhibaato ka timaadda kaadida oo si sahlan u soo bixi wayda.
Kacsi la’aan iyo hoos u dhac awoodda galmada.
Xiiso yarida xiriirka guurka.
Barar ku yimaadda naasaha ama dufan ku samaysma xabadka iyo dhinacyada.
Miisaanka oo kordha.
Timaha jirka oo yaraada, gaar ahaan lugaha.
Daal badan, tamar-yari, iyo dhibaatooyinka hurdada.
Finan (acne) badan, insulin oo sare u kaca, iyo yaraanta zinc.
Daawaynta caabuqa iyo bararka prostaatada:
1. Ka fogow sonkorta iyo caanaha lo’da.
2. Jooji saliidaha la safeeyey (sida saliidda qorraxda, galleyda, iyo canola) oo hodan ku ah omega-6 oo hurin kara caabuqa.
3. Ka fogow digirta soodhaha, daqiiqda, sunta cayayaanka, iyo antibiyootiga.
4. Firfircooni geli beerka adigoo cunaya khudaarta sida broccoli, kaabajka, baradho-, iyo jarjeer.
5. Samee jimicsi iyo miisaan dhimis sababtoo ah estrogen-ka waxa uu ku samaysmaa unugyada baruurta.
6. Yaree walwalka oo naso si koritaanka cortisol-ka loo yareeyo; qaado fitamiin D adoo qorraxda ka hela, iyo fitamiin C si loo xoojiyo difaaca jirka.
Cuntooyinka muhiimka ah ee caafimaadka prostaatada:
Selenium: Waxay ka caawisaa jirka inuu soo saaro glutathione oo yareeya caabuqyada. Waxyaabaha laga helo waxaa ka mid ah:
Lawska Brazil.
Tuna, sardines, iyo salmon.
Beerka, kilyaha, iyo maskaxda xoolaha.
Ukunta.
Yodhin: Waxaa laga helaa dhirta badda oo ka caawisa isku dheelitirka hormoonka estrogen-ka.
Cabitaan dabiici ah:
Shaah ka samee geedka qodax-daabka (Nettle) subaxda iyo habeenkii muddo laba bilood ah si uu u kordhiyo hormoonka testosterone.
Isku-darka dabiiciga ah ee caabuqa iyo bararka prostaatada:
100g oo ah iniinaha flaxseed.
100g oo midhaha geedka qodax-dheer (oak).
80g oo xabxabka madow (habbat sawda).
Ku dar 1kg oo malab dabiici ah, kuna cun hal qaaddo subaxda iyo mid kale habeenkii.
Iniinaha bocorka (Pumpkin seeds):
Cun 10g oo iniin bocor ah oo aan la dubin ama cusbo lahayn. Dadka dhiig-yaraanta qaba waa inaysan cunin.
Ilaahay caafimaadka ha idiin siyaadiyo.
Qore: somaalikaab