Wiil 19 jir ah ayaa xabsiga loo taxaabay kadib markii lagu eedeeyey inuu jabsaday nidaamyada amniga qaranka isla markaana uu xaday sir badan oo dowladda ah. Wiilkaasi waxaa loogu yeeraa "Dawaco" maadaama uu aad u caqli badan yahay.
Aabbihiis, oo ah nin waayeel ah oo kaligiis la nool, ayaa doonayey inuu barxadda gurigiisa ka beero baradho, balse awood uma lahayn sababtoo ah cimrigiisa oo weyn awgeed. Wuxuu u qoray wiilkiisa warqad isagoo leh:
"Wiilkaygii qaaliga ahaayow, waxaan jeclaan lahaa inaad ila joogto si aad iiga caawiso qodidda barxadda guriga, waayo cid ii caawisaa ma hayo."
Maalmo kadib, aabbaha wuxuu helay warqad wiilkiisa uga timid oo u qoransidan:
"Aabahayga qaaliga ahow, fadlan ka digtoonow inaad qoddo barxadda, waayo waxaan halkaas ku qariyey wax aad muhiim u ah. Marka aan xabsiga ka soo baxo ayaan kuu sheegi doonaa wixii halkaas yaallay."
Saacado kadib, ciidamo badan oo ka socda hay'adaha amniga ayaa yimid guriga aabbaha waxayna si xeel dheer u qodeen barxadda guriga, laakiin waxba kama helin, dabadeedna way ka tageen.
Maalintii xigtay, aabbaha wuxuu helay warqad kale oo wiilkiisa uga timid oo leh:
"Aabahayga qaaliga ahow,waxaan rajaynayaa in dhulkii si wanaagsan loo qoday,
waana intii aan kaa caawin kari lahaa. Haddii aad u baahan tahay wax kale, ii soo sheeg."
Sheekadan waxaa laga dheehan karaa xikmada iyo caqli badnida wiilkaa yar oo aabihii ku caawiyay xeelad layableh.