Diyaarad nooca aan duuliyaha lahayn ayaa lagu weerarray saacad ka hor guriga Ra’iisul wasaaraha Israa’iil ee ku yaalla magaalada Tel Aviv gaar ahaan aagga xeebta Mediterranean-ka ee Caesarea, iyadoo diyaaradan ay awoodan inay ku qaraxdo dhisme ku dhagan guriga Ra’iisul wasaaraha, balse waqtigaa waxaa la sheegay Netanyahu iyo xaaskiisaba inay ka maqnaayeen guriga.
Diyaaradda ku dhacday dhismaha Netanyahu ayaa la sheegay inay Xisbullah ka soo direen meel 70 km u jirta xadka Lubnaan iyo gobolka waqooyi ee ay Israa’iil heysato, mana jirin wax digniin ah oo ay bixiyeen nidaamka difaaca iyo raadarrada, taasoo mar kale muujinaysa sida ay Xisbullah u awooddo inay jabiso nidaamyada difaaca. Wuxuu sheegay afhayeenka ciidanka Israa’iil in labo diyaaradood oo kale laga hortagay, balse ay baarayaan sida ay u awooday diyaaradda ku dhacday dhismaha ku dhagen guriga Ra’iisul wasaaraha inay halkaa gaarto.
Isla waqtigaa ay garaacday diyaaradan dhismaha guriga Ra’iisul wasaaraha , wuxuu seeriga ka yeeray saldhigga ciidanka Israa’iil ee Glilot, balse ma jirin wax weerar ah oo saldhiggaa ka dhacay , tan oo ka dhigan inay dhacday jabin lagu sameeyay nidaamka difaaca iyo raadarrada.
Dabcan, waxyaabahan dhacaya ugama tageyno kaliya inay sameysay Xisbullah, waxay ila noqotay inay jirto farriin ka timid dhinaca Iran.
Jariirada Yadiicoot Ahranuut, oo ah Majalad laga leeyahay Israa'iil ayaa ku waramaysa in diyaarad nooca is wada ah ay gashay dhisme kuyaal QAYSAARIYAH oo ah deegaanka RW Netenyahu.
Dhawaaqa Digniinta ayaanan la maqlin kahor diyaarada intii aysan dhismahan ku qarxin, lama yaqaano in Netanyahu joogay & in kale, in uu goor sii horeysay joogay goob dhulka hoostiisa ah ayaa la xaqiijiyey.